Arabako Toki Erakundeen Foru Erregistroko inskripzioak eta bestelako idatzoharrak, eta Arabako Lurralde Historikoko udalerrien armarri heraldikoei, banderei eta bestelako zeinu eta ikur bereizgarriei loturiko aldaketak - egoitza

Arabako Toki Erakundeen Foru Erregistroa tresna ofizial eta publikoa da, Arabako Lurralde Historikoan dauden toki erakundeak eta haien osaera fisiko eta juridikoaren daturik garrantzitsuenak jasotzen dituena.

Erregistro horretan jasotako datuak modu frogagarrian eta unean uneko benetako egoerarekin bat etorrita ager daitezen, Lurralde Orekaren Sailari jakinarazi beharko zaizkio, erakunde sortu berriei buruzko datuak ez ezik, baita erregistroan inskribatu beharrekoak diren eta aldatu diren datu guztiak ere. Era berean, edozein arrazoi dela eta toki erakundetzat hartzeari uzten zaien toki erakundeek baja eman beharko dute erregistroan.

Atal honetan sartuko dira, gainera, Arabako Lurralde Historikoko udalerrien armarri heraldikoei, banderei eta bestelako zeinu eta ikur bereizgarriei loturiko aldaketak, toki erakundeen IFZren aldaketak eta jakinarazpen elektronikoetarako datuen komunikazioa.