AFAko Nekazaritza Sailak Arabako Lurralde Historikoko mahasti zaharrak eta azpimarragarriak babesteko eta kontserbatzeko politikak sustatzeko egiten dituen ekintzetan parte hartzeko interesa agertzeko deialdia. - egoitza

Arabako Errioxako eskualdean kezka dago mahasti zaharrak mantentzeko eta kontserbatzeko. Hainbat upeltegi eta mahastizain partikularrek mahasti-mota horietan interesa erakutsi dute kalitate handiko ekoizpenak lortzeko. Horrela, egiten dituzten ardoen azken kalitatea hobetuko da eta, ondorioz, egungo ardogintza-merkatu zailean duten posizioa hobetuko da. Hori dela eta, Nekazaritza Sailak, Arabako mahastizaintza eta ardogintzaren sektorea, oro har, eta Arabako Errioxa, bereziki, hobetzen laguntzeko duen helburua betetze aldera, egokitzat jotzen du mahasti-mota horiek sustatzeko eta garatzeko ekintzetan parte hartzeko interesa adierazten duten eragile pribatu guztiak bilduko dituen zerrenda bat eratzea, bai eta mahastiak kontserbatu, hobetu eta mantentzeko politikak diseinatzekoa ere, eta horretarako kontsulta egitea. Horretarako, Arabako Lurralde Historikoan mahasti zaharrak eta azpimarragarriak babesteko eta kontserbatzeko politikak garatzeko eta sustatzeko ekintzetan parte hartzeko interesa duten adierazpenak aurkezteko sistema bat ezartzen da.