Arabako turismo sektoreko ete-ei eta autonomoei sortutako inbertsioei aurre egiteko laguntzak - egoitza

a) Enpresa txiki eta ertainak, sozietate xedea dela-eta beren jarduera turismoaren sektorean gauzatzen dutela egiaztatzen dutenak, edozein dela ere haien konfigurazio juridikoa. Foru Agindu honen ondorioetarako, ETEtzat hartuko dira eskabidea aurkezten duten egunean baldintza hauek betetzen dituzten enpresak:

• soldatapeko 250 langile baino gutxiago izatea.
• eta gutxienez honako bi betekizun hauetako bat betetzea:
• urteko negozio bolumena 50 milioi euro baino gutxiago izatea.
• urteko balantzea 43 milioi euro baino gutxiago izatea.

b) Turismo sustapenean diharduten autonomoak.

Gainera, pertsona fisiko edo juridiko onuradun horiek honako baldintza hauek bete beharko dituzte:

• Enpresa jardueraren egoitza fiskala Arabako Lurralde Historikoan egotea eta lantokia bertan egotea.
• Ogasunarekiko eta Gizarte Segurantzarekiko betebeharrak egunean izatea, 58/2004 Foru Dekretuan ezarritakoaren arabera, bai dirulaguntza emateko ebazpenaren aurretik, bai dirulaguntza jasotzeko unean.