null Arabako Lurralde Historikoan biohondakinen bilketa eta kudeaketa sustatzeko dirulaguntza lerroaren oinarri arautzaileak

Arabako Lurralde Historikoan biohondakinen bilketa eta kudeaketa sustatzeko dirulaguntza lerroaren oinarri arautzaileak

3. ARTIKULUA: DIRUZ LAGUNDU DAITEZKEEN JARDUERAK

1. mota: Materia organikoa (janari eta sukalde hondakinak) edukiontzien bidez bereizita biltzea eta kudeatzea.

2. mota: Materia organikoa (janari eta sukalde hondakinak) konpostajearen bidez biltzea eta kudeatzea.

3. mota: Landare hondakinak (landare hondakin biodegradagarriak) biltzea eta tokian-tokian kudeatzea.

4. mota: Plangintzako azterlanak, proiektuak eta dokumentuak egitea.

5. mota: Tokiko erakundeen ordenantzak etxeko hondakinen arloan egokitzea.

4. ARTIKULUA: DIRUZ LAGUNDU DAITEZKEEN GASTUAK

  1. Baliabide materialak eta egokitze-obrak.

  2. Biohondakinen bilketa eta kudeaketa ezartzeko, haren berri emateko eta haren jarraipena egiteko prebentzio eta sentsibilizazio kanpainak.

  3. Kanpoko laguntza teknikoa, planak, azterlanak eta proiektuak egiteko, baita biohondakinen bilketa bereizia eta kudeaketa ezartzeko eta haren jarraipena egiteko moduari buruzko aholkularitza emateko ere.

  4. Kanpoko laguntza teknikoa, aholkularitza eman, dokumentuak idatzi eta laguntza emateko, udal ordenantzak Ekonomia Zirkularrerako Hondakinei eta Lurzoru Kutsatuei buruzko apirilaren 8ko 7/2022 Legera egokitzeko prozesuan.

  5. Biohondakinak kudeatzeko instalazioen ustiapenarekin eta mantentze lanekin loturiko zerbitzu lagungarrien kontratazioa.

Erakunde onuradun izan daitezke 50.000 biztanletik beherako Arabako Lurralde Historikoko udalak edo koadrilak eta beste pertsona juridiko batzuk, hala nola partzuergoak, baldin eta Arabako Lurralde Historikoko udal batek edo gehiagok osatzen badute eta egoitza soziala Araban badute. Kasu horretan, Arabako udal bakoitzak 50.000 biztanle baino gutxiago izango ditu.

Erakunde publiko eskatzaileek hiri-hondakinak biltzeko eta garraiatzeko eskumena izan beharko dute, edo horiek kudeatzeko ardura izan beharko dute.

2026ko urtarrilaren 1etik aurrera onartutako dirulaguntzen deialdietarako, 2025eko abenduaren 31n etxeko hondakinen arloan onartutako ordenantza arautzaile eta fiskalak dituzten erakundeak soilik izan ahalko dira onuradun. Ondorio horietarako, baldintza hori ez da betetzat joko zerga-arloko ordenantzak bakarrik onartu badira.

Deialdi bakoitzerako eskabideak aurkezteko epea amaitzen denean, erakunde eskatzaileek egunean izan beharko dute Arabako Foru Aldundiak Hondakinen Behatokia garatzeko eskatzen duen dokumentazioa (inbentarioa, hondakinen planaren jarraipena edo beste batzuk). Zehazki, 2024ko ekitaldiko hondakinen urteko inbentarioa eta 2024ko ekitaldiko EKPZren jarraipenarena 2025eko martxoaren 31n entregatu ziren.

Hainbat erakunderen artean partekatutako erabilerarako planteatzen diren diruz laguntzeko moduko ekintzen kasuan, horietako bakarra izan daiteke onuraduna, eta hark egingo du eskaera eta egingo du gastua. Gainera, erabilera partekatuko plana behar bezala justifikatu behar da, eta inplikatutako erakunde bakoitzak artikulu honetan azaldutako baldintzak bete behar ditu.

Ingurumen Kalitatearen Zerbitzua

Foru Gobernu Kontseiluaren 40/2023 Foru Dekretua, abuztuaren 1ekoa. Onestea Arabako Lurralde Historikoan biohondakinen bilketa eta kudeaketa sustatzeko dirulaguntza lerroaren oinarri arautzaileak.

11/2016 Foru Araua, urriaren 19koa, Arabako Lurralde Historikoaren Dirulaguntzei buruz

Ley 38/2003, de 17 de noviembre, General de Subvenciones.

Real Decreto 887/2006, de 21 de julio, por el que se aprueba el Reglamento de la Ley 38/2003, de 17 de noviembre, General de Subvenciones.

3/2023 Foru Araua, urtarrilaren 25ekoa, Aurrekontuei buruzko Arau Orokorra (53/1992 Foru Araua, abenduaren 18koa, Arabako Lurralde Historikoko Ekonomia eta Aurrekontu Araubideari buruzkoa, indargabetzen duena)

Ley 39/2015, de 1 de octubre, del Procedimiento Administrativo Común de las Administraciones Públicas

Ebazpena: sei hilabete, eskabideak aurkezteko epea amaitzen denetik.

Jakinarazpena: Ebazpena eman eta hurrengo hamar egun baliodunetan.

Esanbidezko ebazpenik ematen ez bada, dirulaguntza ezetsi egin dela esan nahiko du.

Zer egin behar duzu?

Izapide elektronikoa Epearen barruan
2025-2026ko biohondakinen bilketa eta kudeaketa sustatzeko dirulaguntza-eskaerak

Izapide elektronikoa

Epearen barruan

 Hasi