Kultura erakustaldi eta zabalkunde programa eta jaialdiak garatzeko dirulaguntzen deialdia eskatzea

Epeak

Itxita

2025eko otsailaren 13tik martxoaren 5era, biak barne. 

Aurkeztu beharreko agiriak

1. Eskaerekin batera, agiri hauek aurkeztu beharko dira:

Kultura programaren proiektua, balioespen irizpideak osatzen dituzten alderdi guztiak jasotzen dituena (oinarri hauetako bederatzigarren artikulua, V. eranskinean garatua).

2. Diru sarreren eta gastuen aurrekontu xehatua.

Ezinbestekoa izango da eskabideari erantsita proiektua eta aurrekontua aurkeztea oinarri hauetan ezarritako epean eta moduan. Eskaera soilik aurkezteak, proiektuarekin batera joan gabe, izapidea ez onartzea ekarriko du berekin.

3. Aurkeztu beharko duten administrazio dokumentazioa:

  • Hala badagokio, BEZa ordaintzetik salbuetsita egotearen ziurtagiria, dagokion zerga administrazioak emana.
  • Hala badagokio, inplikatutako eragileen ziurtagiria, programa garatzen lagundu dela egiaztatzen duena (ezarritako lankidetza sareak).

4. Eskaeran edo horrekin batera aurkezten diren administrazio agirietan akatsik egongo balitz edo osorik bete gabe egongo balira, hamar egun balioduneko epea emango zaie entitate interesdunei antzemandako akatsak konpontzeko. Epe hori igaro eta akatsak konpondu ezik, eskatzaileak eskaera bertan behera utzi duela ulertuko da; horretarako, ebazpena emango da bat etorriz urriaren 1eko 39/2015 Legearen 21. artikuluak ezarritakoarekin. bat etorriz Kultura Ekintza Zerbitzuak egokitzat jotzen duen behar beste agiri eskatu ahal izango dizkie entitate eskatzaileei aurkeztutako eskaera behar bezala balioetsi eta ebazteko.

Justifikazioa Egoitza elektronikoko Nire arlo pertsonala atalaren bidez egingo da, Nire karpeta aukeran klik eginez.

Informazio gehiago

Kultura Ekintza Zerbitzua

Helbidea: Probintzia plaza, 5-3. 01001 Gasteiz

Telefonoa: 945 18 18 18  

Zer behar dut?

  • BAKQ

    Ziurtagiri digitala 

1. Egoitza elektronikoan eskuragarri dagoen izapide espezifikoaren bidez aurkeztu beharko dute eskaera pertsona juridikoek, nortasun juridikorik gabeko entitateek, elkargoko kide izatea nahitaezkoa duen jarduera profesional batean dihardutenek, jarduera horretan egiten dituzten izapideetarako, eta administrazioarekiko harremana elektronikoki izatera behartuta dagoen interesdun bat ordezkatzen dutenek. Hori guztia Administrazio Publikoen Administrazio Prozedura Erkidearen 39/2015 Legearen 14.2 artikulua betetzeko.

2. Administrazio publikoekin harremana bitarteko elektronikoz izatera behartuta ez dauden pertsonek aurrez aurre aurkez dezakete eskaera, leku hauetan:

  • Arabako Foru Aldundiaren Erregistro Orokorra.

  • Foru Ogasunak Gasteizen, Laudion eta Guardian dituen bulegoetako erregistroa.

  • Administrazio Publikoen Administrazio Prozedura Erkidearen urriaren 1eko 39/2015 Legeak 16.4 artikuluan jasotako gainerako erregistroetatik edozein.

Atal honetan jasotako moduan aurkezten diren eskaerak deialdi honetako II. eranskineko eredura egokitu beharko dira.

3.Eskaera hainbat entitatek batera aurkezten badute, taldeko erakunde bakoitzak bere gain hartutako exekuzio konpromisoak zehaztu beharko dira, bai eta horietako bakoitzari aplikatu beharreko dirulaguntzaren zenbatekoa ere, eta entitate guztiak hartuko dira onuraduntzat. Era berean, pertsona edo entitate bat izendatu beharko da elkartearen ordezkari edo ahaldun bakar gisa, onuradun gisa elkarteari dagozkion betebeharrak betetzeko ahalorde askietsiarekin, eta harekin ezagutuko dira eskaera izapidetzetik eratorritako gainerako jarduketak.