Unibertsitateaz kanpoko joan-etorrien gastuak ordaintzeko deialdia - egoitza

2022ko ekainaren 13tik 30era, biak barne. 

Eskatzaileak Arabako Foru Aldundiaren egoitza elektronikoan eskuragai dagoen inprimakian eskatzen den informazioa bete behar du, eta agiri hauek erantsi:

• a) Ikaslearen NANaren fotokopia. Ikaslea adingabea bada, eskatzailearen NANarena.
• b) Ikaslea adingabea bada, familia liburuaren fotokopia.
• c) Ikaslea adingabea bada eta harreran edo tutoretzapean badago, egoera horren froga agiria.
• d) Ikaslea 2021eko abenduaren 31n Araban erroldatuta egotearen ziurtagiria.
• e) Matrikulazioaren egiaztagiria, ziurtatzeko ikaslea matrikulatuta dagoela hirugarren oinarrian aipatutako ikasketetan, ikasturtean zehar.
• f) Beste bekaren bat jaso bada, beka horren egiaztagiria, zenbatekoa eta nork eman duen adierazten dituena.
• g) Eskatzailearen titulartasuneko banku libretaren fotokopia edo kontuaren froga agiria.

Tarte osagarrirako, agiri espezifiko hauek aurkeztu beharko dira:

• a) Garraio publikoaren txartelaren fotokopia, hala badagokio (2.2. apartatua).
• b) Egindako garraio gastuen eta haien ordainketaren frogagiria. Horri dagokionez, ziurtagiri eta garraio titulu hauek jotzen dira balioduntzat:
  • I. Garraio txartel ofiziala, hala nola BAT txartela, BARIK edo MUGI, erakunde publiko kudeatzailearen ziurtagiri batekin batera, non ikasturtean egindako joan-etorri guztiak jasota baitaude.
  • II. Garraio kolektibo itundua erabili bada, guraso edo ikasle elkarteek egindako ziurtagiria. Han, eskatzaileak egin dituen garraio gastu eta ordainketa guztiak eta 2021/2022 ikasturtean garraioaz arduratu den enpresa jaso beharko dira. Gainera, onuradunak ikasleen edo gurasoen elkarteari egindako ordainketaren justifikazioa aurkeztu beharko da.
• c) Hirugarrenen fitxa. Eskaerak aurkezteak esan nahi du deialdi honetan ezarritakoa formalki eta berariaz onartzen dela