Egoitza elektronikoaren ziurtagiriak egiaztatzea

Egoitza elektronikoaren ziurtagiriak egoitza elektronikoak modu seguruan eta frogagarrian identifikatzeko erabiltzen dira. Horrela, erabiltzaileen eta egoitza elektronikoaren arteko komunikazio segurua bermatzen da, emandako informazioaren pribatutasuna eta osotasuna ziurtatuz eta hirugarrenen bidegabeko intrusioak saihestuz.

Egoitza elektronikoko ziurtagiri onartu bat, funtsean, web zerbitzari seguruaren ziurtagiri bat da, konfiantzazko hirugarren gisa jarduten duen ziurtapen zerbitzuen emaile batek emana. Ziurtagiri horrek egoitza elektronikoaren titularraren identifikazioa jasotzen du, eta gailu seguru batean edo bitarteko baliokide batean ematen da.

Foru Gobernu Kontseiluaren abenduaren 28ko 55/2021 Foru Dekretuan (Arabako Foru Aldundiaren egoitza elektronikoa sortu zuen Gobernu Kontseiluaren apirilaren 5eko 26/2011 Foru Dekretuaren aldaketa onesten duena), 3. artikuluan, honako hau adierazten da:

  • a) Identifikazioa egoitza elektronikoaren ziurtagiri baten bidez egiten da.
  • b) Herritar guztientzat eskuragarri dago, dohainik eta etengabe.

 

Arabako Foru Aldundiaren egoitza elektronikoaren ziurtagiriaren baliozkotasuna zuzenean eta doan egiaztatzeko, urrats hauek eman behar dira:

  1. Egin klik nabigatzailearen helbide barran agertzen den giltzarrapoan eta hautatu "Konexio segurua" aukera. Gero, egin klik ziurtagiriaren ikonoa duen aukeran. Nabigatzaile bakoitzak sarbide hori eta ziurtagiria modu desberdinean erakutsiko ditu, baina beti informazio bera izango du.

     
  2. Ziurtagiriaren edukia ikusteko, egin klik "Xehetasunak" erlaitzean. Informazioa "Ziurtagiri eremuak" atalean agertuko da.

     

  3. "Xehetasunak" erlaitz berean, "Ziurtagirien hierarkia" atalean, egoitza elektronikoaren ziurtagiria eta ziurtagiriaren egoera emateko konfiantza erroko zer ziurtagiri erabili den egiaztatu ahal izango da.