Lagundutako jardueren justifikazioa - egoitza

Jarduerak burutu eta gero - 2026ko abenduaren 15era arte

• Egindako jardueraren edo programaren memoria xehatua.
• Justifikazio kontua erraztua.
  • Gauzatutako diru sarreren eta gastuen balantzea.
  • Jarduerari lotutako gastu guztien zerrenda sailkatua. Honakoak jasota: hartzekoduna, gastuen agiria edo faktura, zenbatekoa, noiz egin den eta, behar denean, noiz ordaindu den.
  • Diruz lagundutako jarduera finantzatu duten beste diru sarreren eta dirulaguntzen xehetasunak (zenbatekoa eta jatorria).
  • Behar denean, aplikatu ez diren gerakinak eta horien interesak itzultzeko ordainketa gutuna.
  • Hornitzaile bakarrarentzat, banaka edo multzoka hartuta, gastu kontzeptu bakarrerako 1.000 euroko (BEZ aintzat hartu gabe) zenbatekoa gainditzen denean, jatorrizko fakturak edo balio bereko agiriak aurkeztu beharko dira, baita haiek ordaindu direla frogatzen duten agiriak ere.
  • Beste alde batetik, instrukzio organoak beharrezkotzat jotzen dituen agiri, argibide, frogagiri eta faktura guztiak eskatu ahal izango dizkie onuradunei.

Honako hauek aipatu beharko dituzte:
a) Proiektu komunikatiboaren jarduera nagusia paperean argitaratzea bada, edizio digitalaz gainera:

• Agerkarian Arabako Foru Aldundiaren publizitate oharra txertatu behar da: haren logotipo normalizatua.
• Arabako Foru Aldundiaren logotipo normalizatua dirulaguntza ematen duen ebazpenaren egunetik aurrera txertatu beharko da.
• Arabako Foru Aldundiaren logotipo normalizatua agerkariaren kredituak (editorea, zuzendaria, erredaktoreak, tirada, etab.) jartzen diren toki berean agertu behar da. Hori ezinezkoa bada, Berdintasun, Euskara eta Gobernantza Sailarekin adostuko da zein den tokirik egokiena (garrantzi eta ikusgarritasun berekoa izan behar da).

b) Proiektu komunikatiboaren jarduera nagusia irratia bada, edizio digitalaz gainera:

• Dirulaguntza jasotzen duten irrati guztietan esaldi hau esaten den publizitate oharra eman behar dute nahitaez: “Arabako Foru Aldundiaren dirulaguntza jasotzen dugu”.
• Publizitate ohar hori gutxienez 4 aldiz eman beharko da egunean, birritan audientzia handieneko ordu tartean (06:00-10:00), arratsaldean behin eta gauean beste behin.
• Publizitate oharra dirulaguntza ematen duen ebazpenaren egunetik aurrera eman beharko da.
• *Gastuak frogatzeko ez da onartuko honako datu hauek argi eta garbi azaltzen ez dituen fakturarik ez ordainagiririk:
• Igorlearen izen-abizenak edo sozietate izena eta NANa edo IFKa.
• Hartzailearen izen-abizenak edo sozietate izena eta NANa edo IFKa.
• Gastuaren xedea.
• Data.
• Fakturaren zenbakia.

*PFEZaren (pertsona fisikoen errentaren gaineko zerga) konturako atxikipenei buruzko zerga araudia eta fakturatzeko betebeharren arloko araudia betetzen ez dituzten fakturak eta ordainagiriak ez dira onartuko gastuen frogagiri gisa.
*Agiri hauek onartuko dira fakturak ordaindu direla frogatzeko:

• Fakturak, enpresa igorlearen zigiluarekin, zenbatekoa ordainduta dagoela adierazten dutenak.
• Faktura egin duenak sinatutako eta/edo zigilatutako ziurtagiria, honako datu hauek zehazten dituena: fakturaren zenbakia, zenbatekoa eta zer egunetan ordaindu den.
• Bankuko ziurtagiria, gutxienez honako datu hauek zehazten dituena: ordainketaren edo transferentziaren zenbatekoa, data eta onuraduna.
• Posta arruntez jasotako banku laburpenak.
• Kontu korronteen libretak, mugimenduak ageri dituztenak.
• Posta elektronikoz jasotako banku laburpen elektronikoak edo transferentzia agindu telematikoak.
• Erosketa tiketak, zenbatekoa ordaindu dela egiaztatzen dutenak (merkataritza guneetakoak, autobideetakoak, bidaia txartelak eta abar).

*Eskaerarekin batera aurkeztu ezean, eta jasandako BEZaren kuotak diruz laguntzeko moduko gastu moduan konputatzeari begira, Arabako Foru Aldundiko Ogasun, Finantza eta Aurrekontu Sailaren ebazpena edo zerga egoitza dagoen lurraldeko zerga administrazioarena, BEZaren Foru Arauaren 20.3 artikuluan ezartzen den erakundearen izaera soziala onartzen duena, aurkeztu beharko da, arau horren 20.bat artikuluaren 12. eta 14. apartatuetan arautzen den zergaren salbuespena aplikatzeko.
*Aurkeztutako programan langileriaren gastuak ageri badira, onuradunak honako hauek aurkeztu beharko ditu gaitutako kanal elektronikoari buruz:

• Langileriaren gastuen eta kostuen taula, langileen jatorrizko nominak eta Gizarte Segurantzaren RNT eta RNC agiriak, zuzeneko langileak badira, edo, zerbitzugintza beste erakunde bati azpikontratatzen bazaio, fakturak.
• Soldatapeko langileen gastuen eta profesionalek egindako fakturen kasuan, 110 ereduak eta bankuaren ordainagiria erantsi beharko dira, pertsona fisikoen errentaren gaineko zergaren kontura atxikitako zenbatekoak ordaindu direla frogatzeko, bai eta gastuen egiaztagiri gisa aurkeztutako nominen eta/edo fakturen 190 eredua ere.

*Erantzukizunpeko adierazpen bat aurkeztu beharko da, esaten duena aurkeztutako informazioa egiazkoa dela eta agiriak benetakoak direla eta jatorrizkoekin bat datozela.