Emandako dirulaguntzak justifikatzeko agiriak - Arabako Lurralde Historikoko eta Trebiñuko enklabeko kultura ondasun higiezinak kontserbatzeko eta/edo zaharberritzeko esku hartzeetarako dirulaguntzak - egoitza

2023ko abenduaren 29ra arte. 

Dirulaguntzen onuradun diren erakundeek laguntza justifikatzeko agiri hauek aurkeztu beharko dituzte, bitarteko elektronikoen bidez, Arabako Foru Aldundiaren egoitza elektronikoan:

1. Diruz lagundutako esku-hartzearen kostua justifikatzen duen memoria ekonomikoa, proiektuarekin lotutako gastuak eta diru sarrerak zehatz-mehatz adierazita.
   Jatorrizko fakturak edo dokumentu baliokideak aurkeztu beharko dira soilik baldin eta banaka edo batera, gastu kontzeptu bererako, eta hirugarren edo hornitzaile berarekin lotuta, 2.000 eurotik gorakoak badira (BEZik gabe).

2. Diruz lagundutako jarduera finantzatu duten bestelako diru sarreren eta dirulaguntzen xehetasunak, zenbatekoa eta jatorria adierazita.

3. Diruz lagundutako kontserbazio eta/edo zaharberrikuntza jarduketaren memoria. Dokumentazio grafiko eta idatzi nahikoa izan beharko du, egindako esku-hartzea eta, hala badagokio, jarduketaren genero inpaktua argi eta garbi deskribatzeko.

4. Erakunde onuradunak eskatu behar izan dituen hiru aurrekontuak, baldin eta diruz lagundu daitekeen gastuaren zenbatekoa 40.000 eurotik gorakoa bada obra kontratuen kasuan, edo 15.000 eurotik gorakoa bada hornidura edo zerbitzu kontratuen kasuan.

5. Erakundeak egiaztagiri bat aurkeztu beharko du, zeinean jaso beharko baita espedientera sartzen diren fitxategiak jatorrizkoen irudi zehatza direla, jatorrizkoak erakunde eskatzailearen eskuetan daudela eta Arabako Foru Aldundiaren eskura jarriko dituela hala eskatzen zaionean.

6. Fakturak ordaindu izanaren egiaztagiriak. Erakundeek ordainketa horiek egin direla egiaztatzen duen dokumentazioa aurkeztu beharko dute 2024ko martxoaren 29 baino lehen.