Lege oharra

Egoitza Elektronikoaren titulartasuna eta erantzukizun araubidea

 

Apirilaren 5eko Diputatuen Kontseiluaren 26/2011 Foru Dekretu bidez (2011ko apirilaren 18ko 47. zk.ko ALHAO), Arabako Foru Aldundiaren egoitza elektronikoa sortu zen, eta bere titularra eta edukien eta kudeaketa teknologikoaren organo arduradunak identifikatu ziren. Ondorioz, jendaurrean jarri behar dira eduki horiek bai eta egoitza elektronikoaren erantzukizun araubideari buruzko beste alderdi batzuk ere.
 
• INFORMAZIOAREN ETA ZERBITZUEN OSOTASUN, EGIAZKOTASUN ETA GAURKOTASUN PRINTZIPIOA.
 

Arabako Foru Aldundiaren erantzukizun izango da egoitza elektronikoaren bidez jaso ahal diren informazioa eta zerbitzuak osoak, egiazkoak eta eguneratuak izan daitezen.

Arabako Foru Aldundiak informazio zehatza emango du, eta ahalik eta azkarren gaurkotuko du, hutsak egin ez daitezen eta horiek zuzentzen, antzeman bezain laster.

Arabako Foru Aldundiak beretzat gordetzen du egoitza elektronikoan argitaratutako elementuetan edo konfigurazioan edo aurkezpenean aldaketak eta gaurkotzeak egiteko eskumena, edozein momentutan eta aurretik abisatu gabe.

• ERANTZULE TEKNOLOGIKOA

Arabako Foru Aldundia informatika baliabidez eta zerbitzuz hornitzen duen foru sozietate publikoak kudeatuko du egoitzaren teknologia, eta sozietate hori atxikita dagoeneko sailaren eskumen izango da.

• EDUKIEN ERANTZULEAK

Egoitza elektronikoko edukien kudeaketa egingo dute sailek eta, hala badagokio, egoitza partekatzen duten erakunde autonomoek eta foru sozietate publikoek.

Partekatutako egoitzen kasuan, eduki komunez titularkideek erantzukizun solidarioa izango dute, eta eduki partikularrei buruzko erantzukizuna bakoitzaren titularrarena izango da.

• ESTEKA ETA LOTUREN ERANTZUKIZUNA

Egoitza elektronikoaren titularrak ez du erantzukizunik izango Arabako Foru Aldundiarenak izan gabe beraren egoitza honetan dauden esteka edo loturen bidez eskura daitezkeen eduki edo zerbitzuen osotasunaz, egiazkotasunaz edo gaurkotasunaz.

• JABETZA INTELEKTUALEKO ESKUBIDEAK

Egoitza elektronikoaren eta bertan argitaratzen diren elementuen (prozedurak, zerbitzuak eta edukiak) jabetza intelektualeko eskubideak Arabako Foru Aldundiarenak dira.

Egoitza honetan jasotzen diren informazioa eta zerbitzuak baimenik gabe erabiltzeak eta Arabako Foru Aldundiaren jabetza intelektual eta industrialeko eskubideetan sortutako kalteek eta hausteek ekarriko dute baliatzea administrazio horri dagozkion lege ekintzez eta, hala badagokio, hortik sortzen diren erantzukizunez.

 

Datuen babesa: datuetan sartzeko, datuak zuzentzeko, datuak ezabatzeko, datuen aurka egiteko eta datuen tratamendua mugatzeko eskubideez baliatzea

Europako Parlamentuaren eta Kontseiluaren apirilaren 27ko 2016/679 (EB) Erregelamenduan (DBEO) ezarritakoa betetzearren, jakinarazten dizugu eman dizkiguzun datuak Arabako Foru Aldundiak tratatuko dituela eta T47 ALDUNDI DIGITALeko tratamenduetan sartuko direla, aldundi digitaleko egoitza elektronikoan pertsona eta erakunde erabiltzaileak elektronikoki identifikatzeko, eta nortasuna egiaztatzeko sistema kudeatzeko Arabako Foru Aldundiarekiko, haren organismo autonomoekiko eta mendeko erakunde publikoekiko harreman telematikoetan, identifikazio elektroniko horren erabileran oinarrituta. Orobat erabiliko dira ikerketa estatistikoak egiteko eta interesdunei Aldundiarekin zerikusia duten berriei eta zerbitzuei buruzko informazioa emateko posta elektronikoaren bidez zein beste edozein bitarteko erabiliz.

Datu horiek isilpekoak izango dira. Datu horiek ez zaizkie jakinaraziko hirugarrenei, salbu eta legez baimentzen diren kasuetan. Informazio gehiago, hemen. 

Datuen titularrak edozein unetan erabili ahal izango ditu datu horiek eskuratzeko, zuzentzeko, ezabatzeko, aurka egiteko eta mugatzeko eskubideak. 

Eskubideak egikaritzeko eskaera

 

Eskaera modu telematikoan aurkeztu ahalko da Egoitza Elektronikoaren bidez, bai eta Arabako Foru Aldundiaren Erregistro Orokorreko bulegoetara (Probintzia plaza, zk.g. behea, 01001 Gasteiz –Araba–) bertaratuta (interesdunaren nortasuna egiaztatzen duen dokumentazioarekin batera) zein Administrazio Publikoen Administrazio Prozedura Erkidearen 39/2015 Legearen 16. artikuluak ahalbidetutako beste edozein modu erabilita ere.

Egoitza honetan jasotzen diren informazioa eta zerbitzuak baimenik gabe erabiltzeak eta Arabako Foru Aldundiaren jabetza intelektual eta industrialeko eskubideetan sortutako kalteek eta hausteek ekarriko dute baliatzea administrazio horri dagozkion lege ekintzez eta, hala badagokio, hortik sortzen diren erantzukizunez.