Nekazaritza ustiategien erregistroa

GARRANTZITSUA: Nekazaritzako Ustiategien Erregistroan alta edo titulartasun aldaketa bat tramitatzeak eragina izan dezake oinarrizko ordainketen eskubideetan. Ikus erantsitako dokumentua.

Arabako Lurralde Historikoko nekazaritza, abeltzaintza eta mendi ustiategien izen-ematea egitea da prozeduraren helburua. Izen-emate hori derrigorrezkoa da eta foru, estatu edo Europako edozein Nekazaritza Administraziorekin harremanen bat izateko bete beharreko baldintza da.

Ustiategian gerta daitezkeen aldaketa nabarmenen izen-ematea: nekazaritza jardueran baja ematea, ustiategiaren titulartasunean aldaketak izatea, aldaketak izatea titularitate motan, kokapenean eta ustiategiaren mugaketan.

Abeltzain batek Nekazaritzako Ustiategien Erregistroan alta edo titulartasun-aldaketa eskatzen badu, ondoren zehazten diren abeltzaintzako espezieetako bakoitzerako kontuan hartu behar den gutxieneko abelburu-kopurua, abeltzaintzako jardueraren alta edo aldaketaren zentsu-aitorpena eta dagokion BEZa eta PFEZa eskatzeko, hau da:

Behi-azienda: 5 behi-buru
Zaldi-azienda: 5 zaldi aulki. 10 zaldi
Zerri-azienda: gizentzeko 3 zerri
Ardi- eta ahuntz-aziendako buruak: 30 ardi edo ahuntz aurrerako
Untxi-buruak: 5 untxi edo erbi ugaltzaile
Hegaztiak: 30 arrautza-hegazti. 50 haragi-hegazti
Erlauntzak: 15 erlauntza. 16 eta 150 erlauntza artean, produktua merkaturatzen ez dutenean

Nekazaritza ustiategien titularrak.

Ustiategiaren titulartzat joko da nekazaritza-jarduera gauzatzen duen pertsona fisiko edo juridikoa, ustiategia osatzen duten ondasunak eta eskubideak enpresa-irizpideen arabera antolatzen dituena eta ustiategiaren kudeaketaren arrisku ekonomikoak eta erantzukizun zibil, fiskal eta sozialak bere gain hartzen dituena.

Erregistroaren ondorioetarako soilik, honako hauek bereiziko dira:

Banakako titularra. Nekazaritza-jarduera pertsona fisiko bakar batek egiten duenean eta titularkidetasuna ez dagoenean.
Titulartasun asoziatiboa. Pertsona batek baino gehiagok ustiategi baten kudeaketa eta arrisku ekonomikoa partekatzen dutenean, ustiapenaren ekoizpen-bide guztiak edo batzuk erabiltzeko eta gozatzeko eskubideren bat izanez gero. Titulartasuna elkarte-forma osatzen dutenek egiaztatzen dituzten estatutuek arautuko dute (sozietate zibilak eta titulartasun partekatuko erakundeak).
Sozietatearen titulartasuna. Ustiategiaren titularra hainbat bazkide biltzen dituen pertsona juridikoa denean. Titulartasuna kasuan kasuko sozietate-forma arautzen duten estatutuek edo arauek arautuko dute (sozietate anonimoak, sozietate mugatuak, kooperatiba-sozietateak eta eraldaketarako nekazaritza-sozietateak).

Nekazaritzako Idazkaritza Teknikoa

203/2011 DEKRETUA, irailaren 27koa, Euskal Autonomia Erkidegoko Nekazaritzako Ustiategien Erregistro Orokorrari buruzkoa.

AGINDUA, 2016ko martxoaren 31koa, Ekonomiaren Garapen eta Lehiakortasuneko sailburua, zeinaren bitartez finkatzen baitira, Euskal Autonomia Erkidegoko nekazaritza-ustiategiei dagokienez, laborantzen marjina gordinak, Nekazaritzako Lan-Unitateak (NELU) zehazteko modulu objektiboak eta ustiategien gastu finkoen koefizienteak

19/1995 Legea,, uztailaren 4koa, nekazaritzako ustiategiak modernizatzeari buruzkoa.

Ebazpenerako eta jakinarazpenerako gehienezko epea: eskaera erregistratzen denetik hilabete.
Administrazio isiltasunaren ondorioa: ezestea.

Zer egin behar duzu?

	Izapide elektronikoa	Epearen barruan
Ziurtagiria eskatu (NUE)	Izapide elektronikoa	Epearen barruan	Hasi
Dokumentazioa eskatzeko baimena	Izapide elektronikoa	Epearen barruan	Hasi
Ordezkaritzarako baimena	Izapide elektronikoa	Epearen barruan	Hasi
Nekazaritza ustiategien erregistroa - datuen aldaketa	Izapide elektronikoa	Epearen barruan	Hasi
Nekazaritza ustiategien erregistroa - titulartasuna aldatzea	Izapide elektronikoa	Epearen barruan	Hasi
Titulartasun aldaketa- Pertsona juridikoak	Izapide elektronikoa	Epearen barruan	Hasi
Baja ematea	Izapide elektronikoa	Epearen barruan	Hasi
Alta ematea- Pertsona fisikoa	Izapide elektronikoa	Epearen barruan	Hasi
Alta ematea- Pertsona juridikoa	Izapide elektronikoa	Epearen barruan	Hasi