Gauzatze-komunikazioa eta ordainketa-eskaera aurkeztea - egoitza

1. Inprimaki hau bete eta sinatu: pdf erantsia.

2. Uzta berdearen espedientearen karpeta elektronikora igo, eta DOKUMENTU BERRI gisa erantsi gako digitalekin identifikatu ondoren.

• Laguntzaren ordainketa tokian bertan egindako kontrolen emaitzaren araberakoa izango da.

• Inola ere ez da ulertuko uzta berdea egin dela onartutako azalera osoan uzta hori egin ez den lurzatien azaleran, lurzati horretako andui guztien mahats mordo guztiak kendu baitira.

• Mahats-mordoak eskuz kenduko dira, eta lekuan bertan utzi beharko dira biodegradatzeko. Ebidentziak egon behar dira azaleran, eta, beraz, ez litzateke lurzoruan esku-hartzerik egin behar landa-kontrolak amaitu arte (uztailaren 30a).

• Ez da laguntza ordainduko hondamendi natural baten ondorioz uzta berdearen data baino lehen ekoizpena osorik edo zati batean galtzen bada, 2024ko martxoaren 26ko Aginduaren 10. oinarrian ezarritakoaren arabera.

3. Onartutako dirulaguntzaren gehieneko zenbatekoa 30.000 eurotik gorakoa duten pertsona fisiko edo juridikoen kasuan:

• Kontabilitate-araudiaren arabera galdu-irabazien kontu laburtua aurkez dezaketen pertsona fisiko edo juridikoek ziurtagiri hau aurkeztu beharko dute, Dirulaguntzei buruzko azaroaren 17ko 38/2003 Lege Orokorraren 13.3 bis paragrafoa betetzeari buruzkoa.
• Kontabilitate-araudiaren arabera galdu-irabazien kontu laburtua aurkeztu ezin duten pertsona juridikoek: Kontu Auditoreen Erregistro Ofizialean inskribatutako auditore batek emandako ziurtagiria aurkeztu beharko dute, ikuskatutako azken urteko kontuen memorian deskribatutako ordainketen arloko informazioaren transkripzio banakatua jasotzen duena, horietatik ondorioztatzen denean abenduaren 29ko 3/2004 Legean ezarritako ordainketa-epeen betetze-maila lortzen dela, paragrafo honetan zehaztutakoa, abenduaren 29ko 3/2004 Legea aldatzen duen uztailaren 5eko 15/2010 Legearen hirugarren xedapen gehigarrian eskatutako informazioan oinarrituta.