Arreta soziosanitarioaren inguruko prestakuntza emateko laguntza eskatzea - egoitza

2022ko ekainaren 18tik uztailaren 8ko 14:00ak arte. 

Erakunde eskatzaileek egoitza elektronikoan zehaztutako eskaera inprimakia bete beharko dute ikastaro bakoitzeko eta honako agiri hauek erantsi:

• Prestakuntza eskaintzen zaion ikasle mota edo prestakuntza hori jasotzeko modua eta hautatzeko irizpideak.
• Irakasleen curriculuma.
• Hala badagokio, teleprestakuntzaren modalitatean emandako zatiagatik:
  • Erabiltzea aurreikusi den teleprestakuntza plataformari buruzko datuak; propioa, azpikontratatua edo doakoa den adierazi behar da.
  • Ikastaroan tutore izango den pertsonaren edo diren pertsonen datuak eta curriculuma.

Edonola ere, prestakuntza ekintzaren aurrekontu ekonomikoa xehatuta egongo da 14. artikuluan jasotako gastuen sailkapenaren arabera.