Garapen nahasmenduak dituzten edo izateko arriskua duten 0-6 urte bitarteko adingabeentzako laguntza eskatzea - egoitza

2025eko otsailaren 25etik irailaren 30era.

• Eskaera 055 inprimakia
• Laguntzaren onuradunaren eta haren gurasoen edo legezko zaintza duenaren NANaren edo AIZaren fotokopia. Adingabeek aipatutako dokumentazioa eduki ezean, haurra jasotzen duen familia liburuaren fotokopia aurkeztu beharko da. Hala badagokio, ordezkaritza egiaztatzen duen agiria aurkeztu beharko da.
• 012 inprimakia, familia unitateko kide guztiek sinatuta. Agiri horren bidez, Gizarte Ongizaterako Foru Erakundeak baimena izango du datu pertsonalak bildu, erabili eta/edo transmititzeko, prestazioak, laguntzak eta gizarte zerbitzuak lortu, jaso eta horiei eusteko legez ezarritako betekizunei dagokienez.
• 013 inprimakia, banku helbideratzeari buruzkoa, banku-erakundeak behar bezala sinatu eta zigilatuta, hornitzaileari ordainketa zuzena berariaz eskatzen zaion kasuetan izan ezik.
• Laguntzaren xede den ekintza edo zerbitzuaren kostuaren aurrekontua edo proformako faktura.
  • Aurrekontuan, gutxienez, honako datu hauek jaso beharko dira: enpresa hornitzailearen identifikazioa, aurrekontuaren data, eskatzailearen datuak eta egin beharreko ekintza/tratamenduaren ezaugarrien deskribapen zehaztua.
  • Eskaera aurkeztu aurretik, zerbitzuak deialdiaren epearen barruan ordaindu badira, fakturaren eta ordainketaren egiaztagiriaren jatorrizkoak aurkeztu beharko dira.
• Izapidetze elektronikoa aukeratuz gero, eskaeren dokumentazioarekin batera erantzukizunpeko adierazpen bat aurkeztuko da, adierazten duena bertan jasotako informazioa eta dokumentazioa benetakoak direla eta, hala eskatzen zaionean, Gizarte Ongizaterako Foru Erakundearen esku jarriko dela.