Kirol klub eta elkarteak mantentzeko dirulaguntzen deialdia. A plana - egoitza

Kirol talde eta/edo elkarteek ondoko baldintza hauek bete behar dituzte mota honetako laguntzak jaso ahal izateko:

a) Arabako Lurralde Historikoan kokatuta egotea.

b) Eusko Jaurlaritzako Kirol Erakundeen Erregistroan inskribatuta egotea.

c) Arabako lurraldeko kirol federazioetako bati atxikita egotea.

Foru Gobernu Kontseiluaren azaroaren 12ko 50/2019 Foru Dekretuak, zeinaren bidez onetsi baitziren Kultura eta Kirol Sailaren dirulaguntzak norgehiagoka bidez emateko oinarri arau orokorrak, hirugarren klausulan bazter utzitakoez gainera, honako hauek ere kanpo egongo dira:

* Kirol erakunde profesionalak; halakotzat hartzen dira indarrean dauden araudian jasotakoak (LFP, ACB, etab.)

* Klubak, zeinak aurreko paragrafoan sartzen ez badira ere kirolari profesionalak baitauzkate.

* Arabako Foru Aldundiarekin babes kontratua daukaten goi mailako kirol klubak eta/edo taldeak, haien goi mailako talderen batentzat. Egoera horretan, kirol klub eta/edo elkarteek eskaerak aurkeztu ahalko dituzte paragrafo honen hasieran adierazitakoa baino kategoria txikiagoko taldeentzat, baldin eta deialdi honetan ezarritako gainerako baldintzak betetzen badira.

* Klubak, zeinak “profesionalak” izan ez arren kontratu eta/edo beste era bateko loturak baitauzkate, betiere zuzenean (adibidez eskumeneko kluba) klub profesionalekin edo hartakotzat jotzen direnekin.

* Zerga betebeharrak eta Gizarte Segurantzarekikoak betetzen egunean ez dauden kirol klubak edo elkarteak.

* Urriaren 19ko 11/2016 Lege Orokorrak, Arabako Lurralde Historikoko dirulaguntzenak, IV. tituluan adierazitako arau hausteengatik zehapena jaso duten kirol klub edo elkarteak, bai eta Eusko Legebiltzarraren otsailaren 18ko 4/2005 Legeak, emakumeen eta gizonen berdintasunerakoak, jasotzen dituen kasuetan daudenak ere.