Emandako dirulaguntzak justifikatzeko agiriak - Arabako Lurralde Historikoan eta Trebiñuko enklabean kultura ondare higiezina kontserbatu eta/edo zaharberritzeko PARTIKULARREK sustatutako esku hartzeetarako dirulaguntzak - egoitza

2024ko abenduaren 29ra arte. 

Dirulaguntzen onuradunek honako justifikazio agiri hauek aurkeztu beharko dituzte 2024ko abenduaren 29a baino lehen:

• 1.- Diruz lagundutako esku-hartzearen kostua justifikatzen duen memoria ekonomikoa, proiektuarekin lotutako gastuak eta diru-sarrerak zehatz-mehatz adierazita:
  • 1.1.- Programako gastu eta inbertsioen zerrenda sailkatua, hartzekoduna eta dokumentua, zenbatekoa, jaulkipen-data eta, hala badagokio, ordainketa-data adierazita. Ahal dela, excel formatuan edo baliokidean erantsiko da. Kalkulatutako aurrekontuarekiko desbideratzeak gertatu badira, azaldu egingo dira.
  • 1.2.- Diruz lagundutako jarduera finantzatu duten beste diru-sarrera eta dirulaguntza batzuen xehetasuna, zenbatekoa eta jatorria adierazita.
• 2.- Diruz lagundutako inbertsioak edo inbertsioak egiteagatik sortutako gastuen fakturak edo bestelako egiaztagiriak, gutxienez dirulaguntza emateko kontuan hartu zen aurrekontuaren zenbatekoarekin bat datozenak.
• 3.- Diruz lagundutako kontserbazio- eta/edo zaharberritze-jarduketaren memoria. Egindako esku-hartzea eta, hala badagokio, jardunaren genero-eragina argi deskribatzen duen dokumentazio grafiko eta idatzi nahikoa izan beharko du.
• 4.- Onuradunak eskatutako hiru aurrekontuak, baldin eta diruz lagun daitekeen gastuaren zenbatekoa, obra-kontratuen kasuan, 40.000,00 eurotik gorakoa bada, edo hornidura- edo zerbitzu-kontratuen kasuan, 15.000,00 eurotik gorakoa bada.
• 5.- 500,00 eurotik gorako fakturak ordaindu direla egiaztatzen duen dokumentazioa. Ordainagiriak une horretan edo geroago entregatu ahal izango dira, 2025eko martxoaren 31n amaituko den epean.
  • Honako hauek onartuko dira ordainagari gisa:

    • Bankuko egiaztagiria, non zehaztuko baitira, gutxienez, zenbatekoa, data eta ordainketaren edo transferentziaren onuraduna.

    • Fakturaren jaulkitzaileak sinatutako eta/edo zigilatutako ziurtagiria; bertan agertuko dira faktura zenbakia, zenbatekoa eta ordainketa data.

    • Posta arruntez jasotako banku laburpenak.

    • Kontu korronteen libreten kopia, mugimenduak ageri dituena.

    • Posta elektronikoz jasotako banku laburpenak edo transferentzia agindu telematikoak.

    • Erosketa tiketak, zenbatekoa ordaindu dela egiaztatzen dutenak edo fakturak, enpresa jaulkitzaileak jarritako zigiluarekin, adieraziz ordainduta daudela.

• 6.- Egiaztagiriak Arabako Foru Aldundiaren Egoitza elektronikoan aurkeztuz gero, eskatzaileak erantzukizunpeko adierazpena beteko du, eta bertan adieraziko du espedienteari eransten zaizkion fitxategiak jatorrizkoen irudi fidela direla, jatorrizkoak eskatzailearen esku daudela eta, hala eskatzen zaionean, Arabako Foru Aldundiaren esku utziko dituela.

Historia eta Arkitektura Ondarearen Zerbitzua

Probintzia plaza 5, 4.

01001 Gasteiz

Telefonoa: 945 18 18 71

E-maila: patrimonio-ha@araba.eus