Kudeabide programa justifikatzea - egoitza

2024ko urriaren 25ra arte

Frogagiria egoitza elektronikoaren bitartez eransteko, egoitzan identifikatu eta "Nire espedienteak" atalera sartzea beharrezkoa da.

Dirulaguntzaren bigarren zatia ordaindu eta lehenbiziko ordainketa frogatutzat jotzeko, onuradunak, 2024ko urriaren 25ean, hura barne, amaituko den epean, KUDEABIDE 2023 dirulaguntzen deialdiaren 11. artikuluan zehazten den dokumentazioa aurkeztu behar du eta hurrengo puntuetan laburbiltzen da:

• Egindako jarduera guztien amaierako memoria.

• Diruz lagundutako proiektuko gastuen eta diru sarreren taula edota finantzaketa taula. 

• Eskaintza hirukoitza eta arrazoitzeko txostena hautatutako eskaintza ekonomikoki abantailatsuena ez bada (izandako benetako kanpoko gastua 15.000,00 euroko mugaraino iritsi edo hura gainditzen badu eta eskabidean jaso ez balitz). 

• Ordainagiriak eta gainerako frogagiri baliokideak. Beste herrialde batzuetako erakundeek egindako fakturak itzulita egongo dira, ingelesez egindakoak izan ezik.

• Gastuak justifikatzeko banku transferentziak edo merkataritzako trafiko juridikoan froga balio bera duten bestelako dokumentuak; horietan agertu beharko dira ordaintzailea, onuraduna, zenbatekoa, ordainketaren eguna eta kontzeptua.

• Erantzukizunpeko adierazpena, kopiak eta jatorrizkoak bat etortzeari buruzkoa.  adierazi beharko da erantsitako fitxategiak jatorrizkoen benetako irudiak direla, jatorrizko dokumentuak eskaera egin duen erakundearen esku daudela eta Arabako Foru Aldundiaren esku jarriko direla, hark hala eskatuz gero.

Izapide horretan edo webetik formularioa sortzean gorabeheraren bat gertatuz gero, jarri harremanetan aldundi digitaleko erabiltzailearen arretarako zentroarekin, mezu elektronikoa helbide honetara bidalita: diputaciondigital@araba.eus

945 569 028 telefonora ere deitu dezakezu, astelehenetik ostiralera, 8:15etik 14:30era jaiegunetan izan ezik.

Deialdi honi loturiko beste edozein argibide funtzional behar izanez gero, jar zaitez harremanetan Arabako Foru Aldundiko Ekonomia Garapenaren Zuzendaritzarekin (945.18.18.18 - luz.: 52323), astelehenetik ostiralera, 8:15etik 14:30era jaiegunetan izan ezik.