Solicitud de nueva autorizacion de operador de transporte (OT) eu - egoitza

Urte osoan

• Tasa ordaindu izanaren agiria.
• Nortasun juridikoaren egiaztagiria:
  • Atzerriko pertsona fisikoa: iraupen luzeko egoitza baimena edo aldi baterako egoitza eta lan baimena, eta indarrean dagoen identifikazio fiskaleko zenbakia (IFZ).
  • Pertsona juridikoa:
    • Nortasun juridiko propio eta independentea izatearen egiaztagiria.
    • Merkataritza Erregistroan edo dagokion erregistro publikoan inskribatu izanaren egiaztagiria.
    • Garraio publikoa sozietatearen helburuetako bat dela egiaztatzen duten eskriturak edo agiriak.
• Arabako Lurralde Historikoan helbide bat izatea eta bertan, Lurreko Garraioaren Ikuskaritza Zerbitzuen eskura jartzeko asmoz, kudeaketa eta funtzionamenduari buruzko dokumentuak gordetzea egiaztatzen duen agiria.
• Helbide eta sinadura elektronikoa eta beharrezko ekipamendu informatikoa edukitzeari buruzko erantzukizunpeko adierazpena, erantsitako ereduarekin bat.
• Zergapekoen Erroldan –dagokion epigrafean– alta eman izanaren ziurtagiria.
• Arabako Foru Aldundiarekiko eta estatuarekiko zerga betebeharrak egunean izatearen ziurtagiria.
• Gizarte Segurantzaren araubidean egotearen ziurtagiria eta Gizarte Segurantzarekiko kuotak eta bestelako zorrak egunean izatearen ziurtagiria.
• Garraio kudeatzailearen dokumentazioa: Enpresan % 15 edo handiagoko partizipazioa duen bazkidea bada, bere portzentajea egiaztatzen duten dokumentuak.
• Hala badagokio, 60.000 euroko finantza ahalmena honako dokumentu hauen bidez egiaztatzea:
  • Pertsona juridikoa bada, kapitalaren eta erreserben batura eskatzen den zenbatekoa dela egiaztatzen duen dokumentazioa (informazio hori Merkataritza Erregistroan jasota ez badago).
  • Bestela, dokumentu bi hauetako bat aurkez dezake:
    • Finantza entitate edo aseguru entitate batek enpresaren hartzekodunen aurrean behar den zenbatekoaren neurrian berme emaile solidario gisa diharduela egiaztatzen duen agiria.
    • Enpresak finantza entitate batetik eskatzen den zenbatekorainoko kreditua jaso dezakeela egiaztatzen duen agiria.

Baimen horrek garraio agentziei, garraio bitartekariei, biltegiratzaile banatzaileei eta logistikako operadoreei dagozkien jardueretarako gaitzen du. Gainera, salgaien garraioaren –estatu mailakoa zein nazioartekoa– kontratazioan bitarteko gisa aritzeko gaitzen du.

Izapidetze elektronikoan, enpresak baimena eman dezake Arabako Foru Aldundiak beste administrazio batzuek dituzten datuak kontsulta ditzan, eskatzen diren baldintzak betetzen diren egiaztatze aldera.

Baimena emanez gero, hauek bakarrik aurkeztu behar ditu:

• Helbide eta sinadura elektronikoaren erantzukizunpeko adierazpena.
• Dagokion erregistro publikoan inskribatu izanaren egiaztagiria (Merkataritza Erregistroan inskribatuta ez badago).
• Garraio kudeatzailea bazkidea bada, enpresan % 15eko partizipazioa edo hortik goragokoa duela egiaztatzen duen dokumentazioa.
• Finantza ahalmenaren egiaztagiria, hala badagokio.

Zerga Administrazioko Estatu Agentzian, Foru Ogasunean eta Gizarte Segurantzaren Diruzaintza Nagusian kontsulta eginda emaitza negatiboa bada, eskatzaileak zorra geroratu, zatitu edo eten egin dela egiaztatzeko dokumentazioa aurkeztu beharko du, izapidearekin jarraitzeko.

Eskaera izapidetzeko, lehendabizi 27,38 euroko indarren dagoen tasa ordaindu behar da.

Argibide gehiago