Nola sartu - Egoitza Elektronikoa - Arabako Foru Aldundia - egoitza

Egoitza elektronikoko zerbitzuetara sartzeko, beharrezkoa da elektronikoki identifikatzea, egoitzan egin beharreko izapideak eta jarduketak AFAn formalizatzeko.

Erabili nahi duzun eta egoitzan gaituta dagoen izapidetze zerbitzuaren arabera, identifikatzeko edota sinatzeko metodo bat edo batzuk izango dituzu, izapidea edo jarduketa formalizatu dezazun. Informazio hori Izapideen gidako dagokion fitxan kontsulta dezakezu.

 

Zer esan nahi du elektronikoki identifikatzeak?

Ziurtagiri elektroniko edo digital batean oinarritutako identifikazio bitarteko bat erabiltzea, ingurune digital batean zure nortasuna egiaztatzeko.

 

Zergatik da komenigarrai ziurtagiri elektroniko bat edukitzea?

• Autentifikatzeko eta sinatzeko sistemarik seguruenak dira.

• AFAren egoitza elektronikoan gaitutako izapideak egitera sartu ahal izango zara, bai eta Nire karpetan sartu ere, zure datuak, jakinarazpenak eta zure espedienteen izapidetze egoera toki bakar batean kontsultatzeko.

• AFAren egoitzan eta beste erakunde batzuenetan izapideak egin ahal izango dituzu etxetik bertatik.

• Dokumentuak sinatu eta haien aurkezpena formalizatu ahal izango duzu, egoitzan elektronikoki abiarazitako jarduketen bidez, joan-etorririk egin beharrik gabe.

• Aukera ematen dute beste norbaiti zure ordezkaritza eman eta hura inskribatzeko, pertsona horrek izapideak eta jarduketak egin ditzan AFAren aurrean zure izenean, egoitzan ahalordetu daitezkeen prozeduretan.

• Zure datuen konfidentzialtasuna eta egoitza elektronikoaren bidez kudeatutako tratamenduen segurtasuna bermatzen dituzte.

• Prozesuak azkartzen dituzte, zure datuen arreta eta tratamendua prestatzen baitituzte unean bertan zure espedientearen kudeatzailearentzat.

• Trukatutako informazioaren osotasuna ziurtatzen dute.

• Murriztu egiten dute paper kontsumoa administrazioan.

 

Zer aukera ditut elektronikoki identifikatzeko?